సింగరేణిలో ఏఐటీయూసీ సమ్మె సైరన్

సింగరేణిలో ఏఐటీయూసీ సమ్మె సైరన్

ఏప్రిల్ నుండి ఆందోళన బాట

(ప్రజా గొంతుక న్యూస్) మార్చి 17 భద్రాద్రి కొత్తగూడెం సింగరేణి కార్మికుల న్యాయమైన హక్కుల సాధనకై గుర్తింపు సంఘం ఏఐటీయూసీ (AITUC) సమర శంఖం పూరించింది. మంగళవారం సంస్థ వ్యాప్తంగా కార్మికులు నల్ల బ్యాడ్జీలు ధరించి నిరసన వ్యక్తం చేశారు. యాజమాన్య మొండి వైఖరిని నిరసిస్తూ ఏప్రిల్ నెలలో సమ్మెకు పిలుపునిచ్చారు.

* బస్ జాతా: కార్మికులను చైతన్య పరిచేందుకు ఈ నెల 17 నుండి 31 వరకు గోలేటి నుండి సత్తుపల్లి వరకు బస్ జాతా నిర్వహణ.

* ప్రధాన డిమాండ్లు: పెండింగ్‌లో ఉన్న మెడికల్ బోర్డుల నిర్వహణ, కారుణ్య నియామకాలు, సొంత ఇంటి పథకం అమలు, మరియు ఐటీ (IT) రీయింబర్స్‌మెంట్ కల్పించాలని డిమాండ్.

* బకాయిలు & ప్రైవేటీకరణ: ప్రభుత్వం నుండి రావాల్సిన ₹51 వేల కోట్ల బకాయిలను వెంటనే చెల్లించాలని, బొగ్గు వెలికితీతలో ప్రైవేటీకరణను నిలిపివేయాలని నేతలు వీరస్వామి, మధు కృష్ణ హెచ్చరించారు.

* సమస్యల సవరణ: కార్మికుల పేర్లు, ఇంటి పేర్లలోని తప్పుల సవరణతో పాటు పాతబడిన క్యాడర్ స్కీమ్‌ను పునఃసమీక్షించాలని కోరుతూ హెచ్‌ఓడీ క్రిస్టోఫర్‌కు వినతిపత్రం అందజేశారు.

ఈ కార్యక్రమంలో పెద్ద సంఖ్యలో అధికారులు, కార్మిక నేతలు మరియు కార్మికులు పాల్గొని సమ్మెను విజయవంతం చేయాలని పిలుపునిచ్చారు.