TPCC రాష్ట్ర కన్వీనర్గా అడ్వకేట్ మారపాక రమేష్ కుమార్ నియామకం
లీగల్, హ్యూమన్ రైట్స్ & ఆర్టీఐ విభాగంలో కీలక బాధ్యతలు
రమేష్ కుమార్ నియామకం పట్ల హర్షాతిరేకాలు - వెల్లువెత్తుతున్న అభినందనలు
ప్రజా గొంతుక న్యూస్ ఫిబ్రవరి 24 /కొత్తగూడెం:
తెలంగాణ ప్రదేశ్ కాంగ్రెస్ కమిటీ (TPCC) లో కీలక విభాగమైన లీగల్, హ్యూమన్ రైట్స్ మరియు ఆర్టీఐ (RTI) విభాగానికి రాష్ట్ర కన్వీనర్గా ప్రముఖ న్యాయవాది అడ్వకేట్ మారపాక రమేష్ కుమార్ నియమితులయ్యారు. ఈ మేరకు పార్టీ అధిష్టానం ఉత్తర్వులు జారీ చేసింది. గత కొంతకాలంగా పార్టీ పట్ల ఆయన చూపిస్తున్న అంకితభావం, న్యాయవాదిగా సామాజిక అంశాలపై ఆయనకున్న పట్టును గుర్తించి ఈ బాధ్యతలను అప్పగించినట్లు తెలుస్తోంది.
ప్రస్తుత రాజకీయ పరిణామాల నేపథ్యంలో, పార్టీ కార్యకర్తలకు న్యాయపరమైన రక్షణ కల్పించడంతో పాటు.. మానవ హక్కుల ఉల్లంఘనపై గళమెత్తడం, సమాచార హక్కు చట్టం (RTI) ద్వారా ప్రభుత్వ వైఫల్యాలను ఎండగట్టడంలో రమేష్ కుమార్ నియామకం పార్టీకి పెద్ద ఎత్తున కలిసి రానుంది. చట్టంపై పూర్తి అవగాహన ఉన్న రమేష్ కుమార్, రాష్ట్ర స్థాయిలో ఈ విభాగాన్ని మరింత బలోపేతం చేస్తారని పార్టీ శ్రేణులు భావిస్తున్నాయి.
వెల్లువెత్తుతున్న శుభాకాంక్షలు
రాష్ట్ర కన్వీనర్గా బాధ్యతలు చేపట్టనున్న రమేష్ కుమార్ కు ఉమ్మడి ఖమ్మం జిల్లా సహా తెలంగాణ వ్యాప్తంగా ఉన్న కాంగ్రెస్ నాయకులు, న్యాయవాద మిత్రులు మరియు శ్రేయోభిలాషుల నుండి అభినందనలు వెల్లువెత్తుతున్నాయి. ఆయన నియామకం పట్ల పలువురు నేతలు హర్షం వ్యక్తం చేస్తూ, భవిష్యత్తులో ఆయన మరిన్ని ఉన్నత శిఖరాలను అధిరోహించాలని ఆకాంక్షించారు.
రమేష్ కుమార్ స్పందన:
నాపై నమ్మకం ఉంచి ఈ కీలక బాధ్యతను అప్పగించిన TPCC నాయకత్వానికి ధన్యవాదాలు. సామాన్యుల పక్షాన, పార్టీ కార్యకర్తల పక్షాన నిలబడి న్యాయ పోరాటాలు చేస్తాను. లీగల్ మరియు హ్యూమన్ రైట్స్ విభాగం ద్వారా ప్రజా సమస్యల పరిష్కారానికి నిరంతరం కృషి చేస్తాను."
